×
»

56-RV

Recipiat a Petro de Maritima, electo et confirmato in episcopum Baionensis, resignationem canonicatus, praebendae et sacristiae, quos in Aquensis et duorum beneficiorum, quorum unum diaconale et alterum subdiaconale vocantur, quae in S. Saturnini, et aliud beneficium similiter subdiaconale vocatum, quod in de Magesco ecclesiis obtinet, et parochialis ecclesiae de Laone, cuius est rector, Aquensis diocesis, et conferat Raymundo S. Mariae Novae diacono cardinali eadem beneficia personis idoneis.-719

Exponente Arnaldo archiepiscopo Burdegalensis, mandat executoribus Aquensis et Baionensis episcopis ac archidiacono Vasatensis quod a nonnullis patiatur graves iniurias et iacturas, ut eidem eisque successoribus assistant efficacis praesidio defensionis nec permittant eos indebite molestari.-720

Consideratione Augerii de Maloleone militis, dispensat cum Simone Ocha rectore ecclesiae S. Iusti de Vilglari Leonensis diocesis, ut praeter ecclesiam S. Iusti curam animarum habentem possit ecclesiam S. Iohannis Doyagavie Pampilonensis diocesis cum simili cura recipere et una cum praefata ecclesia retinere.-721

Indulget magistro Petro de Guarda canonico Aquensis ut, quamdiu summi pontificis obsequiis institerit, fructus beneficiorum suorum valeat percipere, quin ad personalem residentiam in eisdem teneatur. In eundem modum episcopo Olorensis, abbati monasterii de S. Severo ac priori S. Spiritus de Capite pontis Baionae Adurensis et Aquensis diocesium.-722

Consideratione Ogerii de Maloleone dispensat cum eius consanguineo Iohanne Arnaldi de Espoleta, rectori ecclesiae de Lereno Pampilonensis diocesis, cum animarum possit cura adhuc unicum aliud beneficium, etiamsi dignitas, officium vel personatus existat.-723

Dispensat cum Egidio Garsiae de Lombier, canonico Pampilonensis, ut non obstante defectu natalium beneficium ecclesiasticum, etiamsi dignitas vel personatus existat, valeat recipere.-724

Obtentu Margaritae comitissae Fuxensis confertur nepoti eius Arnaldo Guillermi de Andoniis, clerico Lascurrensis diocesis, beneficium ecclesiasticum in diocesi Pampilonensis vacans vel vacaturum, non obstante ordinum et aetatis defectu.-710

Mandat executoribus Baionensis et Aquensis episcopis ac dilecto filio archidiacono Vasatensis ut decano et capitulo ac ecclesiae Burdegalensis a nonnullis multipliciter molestatis efficacis praesidio defensionis assistant nec permittant eos contra indulta privilegiorum a sede apostolica eis concessorum ab aliquibus molestari.-711

Arnaldo episcopo Baionensis concedit ut, cum reditus mensae suae episcopalis adeo sint tenues et exiles, ut iuxta decentiae episcopalis honorem non possit commode sustentari, unam vel plures parochiales ecclesias suae diocesis mensae suae usibus aplicare valeat, reservata vicario seu vicariis ibi servituris congrua portione.-712

Indulget Guitardo de Lebreto, archidiacono Hontindonensis in ecclesia Lincolniensis, ut possit ad quinquennium ubicunque moram trahens proventus tam archidiaconatus sui ecclesiae quam aliorum beneficiorum percipere, quin teneatur facere personalem in eis residentiam. In eundem modum episcopo Baionensis et archidiacono et sacristae Vasatensis.-713
Bicicletas (2)Zapatillas (1)